Bakı polisindən əməliyyat: 7 nəfər həbs edildi

Bakı polisi axtarışda olan şəxslərin məsuliyyətə cəlb edilməsi istiqamətində əməliyyat keçirib.

Bu barədə Teleqraf.com-a Bakı şəhər Baş Polis İdarəsindən məlumat verilib.

Məlumata görə, əməliyyatlardan birini Səbail rayon Polis İdarəsinin 8-ci polis bölməsinin əməkdaşları keçirib. Keçirilən əməliyyat nəticəsində Cinayət Məcəlləsinin 178-ci (dələduzluq) maddəsi ilə axtarışda olan Sumqayıt şəhər sakini Nail Şirinov həbs edilib.

Daha bir əməliyyatı Nəsimi rayon Polis idarəsinin 19-cu polis bölməsinin əməkdaşları tərəfindən keçirilib. Rayon ərazisində borclu kimi axtarışda olan Vəfai Mustafayev məsuliyyətə cəlb edilib.
Oxşar əməliyyatı Xətai rayon Polis İdarəsinin Cinayət Axtarış Şöbəsi və 35-ci polis bölməsinin əməkdaşları keçirib. Əməliyyat-axtarış tədbirləri nəticəsində Cinayət Məcəlləsinin 221-ci (xuliqanlıq) maddəsi ilə axtarışda olan Aytən Balayeva tutulub.

Bundan başqa, Binəqədi rayon Polis İdarəsi, Xətai rayon Polis İdarəsinin Qeydiyyat və Şəxsiyyət Vəsiqəsi Şöbələrinin əməkdaşları tərəfindən isə borclu kimi axtarışda olanlar - Nuraya Quliyeva, Məhərrəm Heydərov, Azər Səfərov və Ceyhun Həsənov tutulublar.

Hacı Zeynalov