Həyat yoldaşını bıçaqlayıb, qaçan şəxs tutuldu

Dekabrın 14 - ü həyat yoldaşını bıçaqlayan və sonra hadisə yerindən uzaqlaşan Gəncə sakini polis tərəfindən saxlanılıb.

Teleqraf.com-un yerli bürosunun verdiyi məlumata görə, 1978-ci il təvəllüdlü Zaur Süleymanov hüquq mühafizə orqanı əməkdaşları tərəfindən tutularaq istintaqa cəlb edilib.

O, həmin gün mübahisə zəminində həyat yoldaşı 1980-ci il təvəllüdlü Süleymanova Aytən Məmməd qızına bıçaqla çoxsaylı xəsarətlər yetirməkdə təqsirli bilinir.

Faktla bağlı cinayət işi başlanılıb, istintaq tədbirləri aparılır.