Sərxoş sürücü qəza törətdi

Teleqraf.com Kəpəz TV-yə istinadan məlumat verir ki, Gəncə şəhər sakini 24 yaşlı Muxtar Məmmədov idarə etdiyi VAZ 2107 markalı avtomobillə Şahsevənlər küçəsi ilə hərəkətdə olarkən idarə etməni itirib və avtomobili yolun solundakı çinar ağacına çırpıb.

Nəticədə sürücü və avtomobildə olan 23 yaşlı Şahlar Verdiyev yaralanıb. İlkin ehtimala görə hadisəyə səbəb yüksək sürət olub.

Yaralılar Gəncə şəhər Təcili və Təxirəsalınmaz Tibbi Yardım Stansiyasının avtomobili ilə xəstəxanaya gətirilib.

Onlara ilkin tibbi yardım göstərilib.

Xəstəxanadan verilən məlumata görə hər iki yaralı sərxoş olub.

Faktla bağlı araşdırma aparılır.