Goranboyda 30 yaşlı kişi bıçaqlandı

Goranboyda bıçaqlanma hadisəsi baş verib.

Teleqraf.com xəbər verir ki, hadisə rayonun Yeni Qəsəbə adlanan ərazisində yerləşən yanacaqdoldurma məntəqəsində qeydə alınıb. 1993–cü il təvəllüdlü Namiq İsalı bıçaqlanma diaqnozu ilə xəstəxanaya yerləşdirilib. Xəstə dərhal əməliyyat edilib, vəziyyətinin kafi olduğu bildirilir.

Məlumata görə, hadisəni törədən şəxs polis tərəfindən saxlanılıb. Hadisənin hansı səbəbdən baş verdiyi araşdırılır.