Daxili orqanından heroin, həşiş və metadon aşkar edildi

Astara Gömrük İdarəsinin sərnişin şöbəsində Azərbaycan vətəndaşları - Samit Baxşiyev və Fizuli Əmənov birlikdə piyada yolla İran İslam Respublikasından Azərbaycan Respublikasına gələrkən onların üzərində şəxsi yoxlama aparılıb.

Dövlət Gömrük Komitəsinin mətbuat xidmətindən Teleqraf.com-a verilən məlumata görə, şəxsi yoxlama zamanı Fizuli Əmənovun daxili orqanından (düz bağırsağından) 2 ədəd bağlamada ümumi xalis çəkisi 56,396 qram olan narkotik vasitə - heroin, 1 ədəd bağlamada xalis çəkisi 2,47 qram olan narkotik vasitə - həşiş və ümumi sayı 29 ədəd həb şəklində olan narkotik vasitə - metadon aşkar olunub.

Faktla bağlı təhqiqat aparılır.

Naibə QURBANOVA