Şirvanda və Gəncədə evləri qarət edənlər həbs edildi

Şirvan Şəhər Polis Şöbəsi əməkdaşları tərəfindən oğurluq etməkdə təqsirli bilinən Samir Balakişiyev tutulub.

Teleqraf.com xəbər verir ki, o, Gülxar Atamoğlanovanın, İxtiyar Hüseynovun, Sadiq Səmədovun və Elşad Abiyevin evlərindən pul, qızıl və məişət əşyaları oğurlayıb.

Bundan başqa, avqustun 19-da narkotik vasitə, saxta pul və quldurluq etdiyinə görə tutulmuş Bəxtiyar Məmmədovun ətrafında Baş Cinayət-Axtarış İdarəsi və Gəncə Şəhər Polis İdarəsi əməkdaşları tərəfindən aparılmış əməliyyat tədbirləri ilə onun başqa cinayətlərdə də iştirak etdiyi məlum olub.

Onun Hicran Namazova, habelə cari il iyun-iyul aylarında şəhər sakinləri Firdovsi Əliyevə, İlqar Səfərova, Qabil Bayramova və Dürdanə Zalovaya məxsus evlərdən pul, qızıl və məişət əşyaları oğurlaması da müəyyən edilib.

Hacı Zeynalov