Bakıda qəza - Avtomobil 6 tələbəni vurdu - FOTO

Bu gün saat 18 radələrində Yasamal rayonu, Mətbuat prospektində yol-nəqliyyat hadisəsi baş verib.

Teleqraf.com xəbər verir ki, LADA Priora markalı avtomobil Bakı Dövlət Universitetinin yaxınlığındakı piyada keçidilə hərəkət edən tələbələri vurub. 6 tələbənin xəsarət aldığı bildirilir. Xəsarət alan tələbələr təcili yardım maşını ilə xəstəxanaya aparılıb. Hadisə şahidlərinin sözlərinə görə, xəsarət alanlar Memarlıq və İnşaat Universitetinin tələbələridir. 

Faktla bağlı araşdırma aparılır. 

Samir İsayev