Qazaxda mağazanı talayan iki nəfər tutuldu

Qazax şəhəri ərazisində mağazadan oğurluq edilib.

Teleqraf.com xəbər verir ki, şəhər sakini Mail Mahmudova məxsus mağazadan pəncərədən girmək yolu ilə 150 manat pul, tütün məmulatı və danışıq kartları oğurlanıb.

Qazax rayon polis şöbəsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş Ceyhun Nəsibov və Elnur Əliyev tutulub.

Onların, mayın 17-nə keçən gecə şəhər sakini A.Bayramova məxsus mağazadan 400 manat pul, tütün məmulatı və danışıq kartları oğurlamaları, habelə mayın 23-nə keçən gecə şəhər sakini F.Mustafayevə məxsus mağazadan qapını sındırmaq yolu ilə oğurluğa cəhd göstərmələri də müəyyən edilib.

Hacı Zeynalov