İŞİD və PYD Türkiyəyə qarşı

Suriyanın Raqqa şəhərində Türkiyə silahlı qüvvələrinin "Fırat qalxanı" əməliyyatı zamanı dirəniş göstərən İŞİD terror qruplaşması PKK-nın bir qolu olan PYD-yə qarşı müqavimət göstərmədən şəhəri tərk edib.

Teleqraf.com xəbər verir ki, Pentaqonun dəstəyilə Raqqaya hücum edən PYD asanlıqla şəhərə nəzarəti ələ alıb. Halbuki, Türkiyə kimi güclü dövlətin ordusu bu şəhərə girə bilmirdi.

Türkiyə mətbuatı yazır ki, PYD-nin Raqqa əməliyyatı ABŞ-ın diqtəsilə həyata keçirilib və öncədən tərəflərlə sövdələşmə əldə olunub.

Qeyd olunur ki, ABŞ daha öncə PYD-yə 1.500 TIR silah-sursat göndərib.