7 Aprel 2014 12:32

Amerikanın Filadelfiya şəhərində dəhşətli hadisə baş verib.

ANS PRESS-in məlumatına görə, evlərin birində 2 yaşlı uşaq 11 yaşlı bacısını tapança ilə güllələyib. Uşaq silahı valideynlərinin yataq otağından tapıb. O, tapançanı oyuncaq zənn edib və bacısını qorxutmaq istəyib. Qəfildən silah açılıb və güllə 11 yaşlı qızın qarnına dəyib.

Hadisə baş verərkən uşaqların anası evdə olub. Qadın azyaşlı oğlunu 5 dəqiqəlik nəzarətsiz buraxan zaman bədbəxt hadisə baş verib. Silah səsinə gələn ana qızını qan içində yıxılmış halda tapıb. Ağır yaralanan qız xəstəxanaya yerləşdirilsə də, həkimlər onun həyatını xilas edə bilməyiblər.

Qeyd edək ki, faciə yaşayan ailə üzvləri bildiriblər ki, həmin tapançanı onlara ailə dostlarından biri hədiyyə edib.

Faktla bağlı cinayət işi başlanıb, istintaq gedir.


Müəllif: