Rusiyadan Türkiyəyə Afrin dəstəyi

Amerikanın Fərat çayının şərqində oynadığı oyun terrorçuların Afrində təxribatlara əl atmasına, bu da öz növbəsində, Türkiyənin o bölgəyə girməsinə səbəb oldu.

Teleqraf.com xəbər verir ki, bu barədə Rusiyanın xarici işlər naziri Sergey Lavrov Moskvada Pakistanlı həmkarı Məhəmməd Asiflə keçirdiyi mətbuat konfransında bildirib.

Onun sözlərinə görə, Türkiyə öz təhlükəsizlik maraqlarını qorumaq istəyirsə, o zaman Dəməşq rejimi ilə birbaşa dialoq qurmalıdır: "Türkiyənin narahatlığını və kürdlərin arzusunu anlayırıq. Bunun üçün Astanada Rusiya, Türkiyə və İran prezidentləri səviyyəsində müşavirələr keçiririk. Bizi narahat edən əsas məsələ, kənar qüvvələrin öz geostrateji məqsədlərinə çatması üçün kürd xalqının arzularından sui-istifadə etməsidir. Halbuki bu cür davranışların kürdlərin maraqlarına xidmət etmir".