18 Aprel 2014 12:35
395

Mustafa Dənizli mətbuata verdiyi açıqlamada, “Neftçi” və “Qarabağ”ın Türkiyə Superliqasında heç ilk “6”lığa düşə bilməyəcəyini bildirib, “Qarabağ”ı 15-ci yerdə gedən “Elazığspor”la müqayisə edib.

Teleqraf.com xəbər verir ki, “Qarabağ” Dənizilinin bu dediklərini cavabsız qoymayıb. Ağdam təmsilçisinin mətbuat xidmətinin rəhbəri Nurlan İbrahimov sosial şəbəkədə Musatafa Dənizlinin cavabını verib:

“Fatih Terimdən daha üstün, daha başarılı saydığım Mustafa Dənizli “Neftçi” və “Qarabağ”ın superliqada heç ilk 6-lığa düşə bilməyəcəyini, “Qarabağ”ı isə 15-ci yerdə gedən “Elazığspor”la müqayisə edib.

Hocam, bu sənin şəxsi düşüncəndir, amma əmin ol ki, sənin “Elazığspor”un İtaliyada “İnter”lə 2:2 oynasaydı və ya 10 yerli futbolçuyla “Rusenborq”u sıradan çıxarsaydı vallah, o zaman “Elazığspor”u “Real”la, “Barselona”, “MY” ilə müqayisə edərdiniz. Məşqçiləriniz xalq qəhrəmanı, komandanıza isə..

“Xəzər-Lənkəran” kimi ölkənin ən böyük futbol camiəsi olan klub elə bu heyətlə, elə yerli stadionu doldurmaqla belə inandırım sizi “Elazığspor”dan daha yaxşı çıxış edər. Əminəm buna..

Bu gün “Neftçi” və “Qarabağ” superliqada bu heyətlə 15 min insan qarşısında oynasa nəinki 6-lığa düşərdi, hətta ilk 3-lükdə mübarizə aparardı.

Amma bu da var ki, nə qədər ki, insanlarımız UEFA-nın rəsmən cəzalandırdığı, sağlam rəqabətə çoxdan tüpürən “Qalatasaray”, “Fənərbaxca”, “Beşiktaş”ı özünküləşdirəcək, onların rənginə tutulub, əvəzində öz komandalarımızın uğurlarına “alqı-satqı”` və başqa damğa vuracaq biz də "Elazığspor”la müqayisə olunacağıq”.

Aygün İlqarqızı


Müəllif: