Ayan Azislə səhnəyə çıxmaqdan imtina etdi

Müğənni Ayan Babakişiyevanın Azislə nəzərdə tutulan birgə konsertində xanım sənətçimiz olmayacaq. O, səhnəyə çıxmaqdan imtina edib.

Publika.az xəbər verir ki, ifaçı səbəbləri barədə “İnstagram” bloqunda bunları qeyd edib:

“İyulun 25-də Azisin konsertində mən olmayacam. Bu, şəxsi qərarımdır. Bunu bilin ki, söz-söhbət və yalan olan yerdə mən yoxam. Çünki hər zaman özümə və şəxsi prinsiplərimə sadiq qalmışam. Bu gün verilən sözlər sabah yaddan çıxırsa, deməli, bu məsuliyyətsizlikdir”.