Fəxrəddin Manafov “Azdrama” nın səhnəsində

Xalq artisti, tanınmış aktyor Fəxrəddin Manafovu Akademik Milli Dram Teatrının səhnəsində görəcəksiniz.

Bu haqda Teleqraf.com-a xalq artistinin özü məlumat verib: “Akademik Milli Dram Teatrında Elçin Əfəndiyevin “Cəhənnəm sakinləri” əsəri əsasında hazırlanmış eyniadlı tamaşada mən də oynayacam. O haqda danışıqlar gedir. Hazırda dəqiq heç nə deyə bilmərəm. Başqa pyeslər də var və onlar teatrın planından və repertuarından asılıdır. “Cəhənnəm sakinləri” tamaşasında məndən başqa əməkdar artist Mehriban Zəki də oynayacaq. Başqa obrazların isə hansı aktyorların canlandırdığını dəqiq deyə bilmərəm. Səhnə əsərində baş rollardan birini canlandıracam. Türkiyədən dünən gəlmişəm və yəqin ki, teatrda işə sentyabrın ortası və axırlarında başlayacağıq”.

Rəqsanə Həsənova