Aktrisamız beynəlxalq müsabiqədə mükafat aldı - FOTO

Musiqili Teatrın gənc aktrisası Aydan Həsənova beynəlxalq müsabiqədə ölkəmizi uğurla təmsil edib.

Teatrın mətbuat katibi Samir Sədaqətoğlu Teleqraf.com-a bildirib ki, təmsilçimiz 16-21may tarixlərində Yekatirinburqda xalq artisti Vladimir Kuroçkin adına “Gənc operetta və muzikl artistlərinin VI beynəlxalq müsabiqəsində 3-cü yerə layiq görülüb.

Aydan finalda Azərbaycan bəstəkarı Üzeyir Hacıbəylinin “Arşın mal alan” əsərindən Gülçöhrənin ariyasını ifa edib.

Müsabiqədə Rusiyadan və xarici ölkələrdən 35 yaşa qədər olan gənclər iştirak edib.

Nərmin