Avropadan Rusiyaya qarşı daha bir qərar

Avropa Birliyi Krımı ilhaq edən Rusiyaya qarşı sanksiyanı daha bir il uzadıb.

Teleqraf.com-un məlumatına görə, bu barədə qərarı Avropa Komissiyası verib.

Qeyd edək ki, Avropa Birliyi 2014-cü ildə Krım yarımadasında Moskva tərəfindən “keçirilən” referendumdan dərhal sonra Rusiyaya qarşı iqtisadi sanksiya tətbiq edib.

Sanksiyalara əsasən Krımda istehsal edilən malların Avropaya idxalı, Krımda Avropa yatırımları, turizm, nəqliyyat, enerji, habelə Krıma Avropadan mal və texnologiyanın tədarükü qadağan edilir.