Lukaşenko əmr verdi – “Oreşnik” Belarusda yerləşdirilir

Belarus Prezidenti Aleksandr Lukaşenko Rusiya istehsalı “Oreşnik” raket kompleksinin ölkə ərazisində yerləşdirilməsini təmin etməyi və onun mümkün tətbiqini planlaşdırmağı tapşırıb.

Teleqraf.com xəbər verir ki, bu barədə Belarus müdafiə nazirinin birinci müavini Pavel Muraveyko bildirib.

“Tək bir tapşırıq var – “Oreşnik” sistemini ərazimizdə yerləşdirmək və onun tətbiqini düzgün planlaşdırmaq”, - o qeyd edib.

Muraveyko əlavə edib ki, Belarusda neçə belə kompleksin yerləşdirilməsinin planlaşdırıldığı haqqında yalnız Rusiya Prezidenti Vladimir Putin bilir.