NATO hərbçisi təlimdə həlak oldu – Litvada

Almaniya Silahlı Qüvvələrinin hərbi qulluqçusu NATO-nun Litvadakı Pabrad poliqonunda keçirilən təlim zamanı həlak olub.

Teleqraf.com xəbər verir ki, bu barədə Baltik respublikasının Müdafiə Nazirliyi məlumat yayıb.

Nazirlik baş verən ölüm hadisəsini “bədbəxt hadisə” adlandırıb. Belə ki, hərbçinin idarə etdiyi zirehli nəqliyyat vasitəsi ağaca çırpılıb.

Litva Müdafiə Naziliyinin məlumatında insidentlə bağlı alman hüquq-mühafizə orqanlarının təhqiqat apardıqları da vurğulanıb.