Ən bahalı şirkətlərin reytinqi açıqlandı

“Microsoft” korporasiyasının bazar kapitallaşdırılması “Apple” şirkətinin dəyərini təxminən 10 milyard dollar üstələyib.

Teleqraf.com xəbər verir ki, “Microsoft” bazar kapitallaşdırılması səviyyəsinə görə “Apple” şirkətini geridə qoyan ən bahalı ABŞ korporasiyası olub. Ekspertlərin məlumatına görə, “Microsoft”un bu göstəricisi 753,3 milyard dollar, “Apple”in isə 746,8 milyard dollar təşkil edib.

Qeyd olunur ki, “Apple” şirkəti 2010-cu ildən “Microsoft”u bazar kapitallaşdırılmasına görə üstələyib.

ABŞ-ın ən bahalı şirkətlər üçlüyünü 736,8 milyard dollarlıq göstərici ilə “Amazon” tamamlayıb. O, “Google” şirkətinin 725,5 milyard dollar dəyərində qiymətləndirilən “Alphabet” holdinqini geridə qoyub.