Tramp iğtişaşları terror adlandırdı: Qoşun yeridəcəyik

ABŞ-dakı iğtişaşlar dinc nümayişlər deyil, daxili terror aktlarıdır.

Teleqraf.com xəbər verir ki, bu sözləri ABŞ Prezidenti Donald Tramp son bir neçə gün ərzində ölkədə baş verən kütləvi etirazlar və iğtişaşlarla bağlı bildirib.

"Linkoln və İkinci Dünya Müharibəsi Memorialı vandalların hücumuna məruz qalıb. Bunlar dinc etiraz deyil, daxili terror aktlarıdır", - deyə Tramp söyləyib.

Donald Tramp qeyd edib ki, ABŞ federal hökuməti ölkədəki böyük iğtişaşlara son qoymaq üçün bütün mülki və hərbi ehtiyatlarını səfərbər etmək niyyətindədir.