İngiltərə hədələdi: “Bu, İrana verilmiş sonuncu şansdır”

İngiltərə Xarici işlər naziri Liz Tras Avstriyanın paytaxtı Vyanada aparılan nüvə danışıqları ilə bağlı İrana xəbərdarlıq edib.

Teleqraf.com xəbər verir ki, nazir İranla diplomatiya şansının tükəndiyini bildirib.

“İran axırıncı şansından istifadə etməli, nüvə müqaviləsinin bəndlərinə uyğun olaraq, ciddi təkliflərlə danışıqlar masasının arxasına qayıtmalıdır. Bu, İranın danışıqlar masasına qayıtması üçün son şansıdır. Əlbəttə, danışıqlar və yeni müqavilənin imzalanması üçün hələ də vaxt var, amma bu, İranın sonuncu şansı və fürsətidir. Aparılan danışıqlardan nəticə çıxarması İran üçün həyati məsələdir”, - Tras qeyd edib.

Nazir İngiltərənin İranın nüvə silahı əldə etməsinə imkan verməyəcəyini deyib: “Müttəfiqlərimizlə İranın nüvə silahı əldə etməsinin qarşısını almaqda qərarlıyıq”.