Mariya Lukaşenkonu svastika ilə təsvir etdiyinə görə həbs olundu

“Pussy Riot” qrupunun üzvü Mariya Aleksina nasist simvollarını açıq şəkildə nümayiş etdirdiyi üçün 15 gün müddətinə həbs edilib.

Teleqraf.com xəbər verir ki, qərar Moskvanın Tver rayon məhkəməsi tərəfindən qəbul edilib.

Aleksinanın vəkili Danil Bermanın sözlərinə görə, həbsə səbəb “İnstaqram”da Belarus lideri Aleksandr Lukaşenkonun svastika ilə şəklinin dərci olub.

“Məhkəmə Aleksinanı nasist atributları və ya simvollarının təbliği və ya ictimai nümayişi üzrə inzibati xəta törətməkdə təqsirli bilib”, - deyə vəkil bildirib.