Makron Rusiyaya gedir – Tarix açıqlandı

Fransa Prezidenti Emmanuel Makron fevralın 7-də Rusiyaya, 8 fevralda isə Ukraynaya səfər etməyi planlaşdırır.

Teleqraf.com xəbər verir ki, bu barədə Fransa prezidentinin mətbuat xidməti məlumat yayıb.

Rəsmi açıqlamada deyilib: “Makron bazar ertəsi Rusiyaya, çərşənbə axşamı isə Ukraynaya gedəcək”.

Fransa prezidenti bundan əvvəl rusiyalı həmkarı Vladimir Putinlə görüşə biləcəyini açıqlamışdı.

Fevralın 3-də Rusiya və Fransa liderləri arasında telefon danışığı olub, onlar Ukrayna ətrafındakı vəziyyəti və təhlükəsizlik zəmanətini müzakirə ediblər.