Ərdoğan: “Terrorçular İsveç küçələrində sərbəst gəzir”

Türkiyə hazırda İsveçin NATO-ya üzv olmasına razılıq verməyə hazır deyil.

Teleqraf.com xəbər verir ki, bunu Türkiyə Prezidenti Rəcəb Tayyib Ərdoğan “CNN Türk”ə müsahibəsində deyib.

Onun sözlərinə görə, NATO ölkəsi terrorla mübarizəyə gəldikdə qətiyyətli mövqe nümayiş etdirməlidir.

Ərdoğan vurğulayıb ki, İsveç terror qruplaşmalarının Stokholm küçələrində sərbəst dolaşmalarına icazə verməyə davam etdikcə, Türkiyə bu ölkənin NATO üzvlüyünə müsbət baxa bilməz.