Lukaşenko Belarusda xarici mətbuatın fəaliyyətini qadağan edir

Belarus prezidenti Aleksandr Lukaşenko ölkəsində xarici KİV-lərin fəaliyyətini qadağan etməyə imkan verən qanun layihəsini imzalayıb.

Teleqraf.com xəbər verir ki, qanuunda kütləvi informasiya vasitələrinin dövlət qeydiyyatının ləğvi, internet resurslarının və onlayn nəşrlərin bloklanması üçün əsasların siyahısı genişləndirilib.

Lukaşenkonun mətbuat xidməti bildirir ki, qanun media sahəsində milli maraqların müdafiəsi mexanizmlərinin təkmilləşdirilməsinə və Belarusa qarşı dost olmayan hərəkətlərə cavab vermək üçün alətlərin genişləndirilməsinə yönəlib.