Qəzzaya göndəriləcək humanitar yardımın məbləği açıqlandı

Avropa Komissiyasının (AK) rəhbəri Ursula fon der Leyen Qəzza zolağına humanitar yardım üçün əlavə 50 milyon avro ayıracağını vəd edib.

Teleqraf.com xəbər verir ki, bu barədə AK-ın mətbuat xidməti məlumat yayıb.

"Avropa Komissiyası Qəzza zolağı üçün nəzərdə tutulan humanitar yardım paketini dərhal 50 milyon avro artıracaq", - bəyanatda deyilir.

Yardımın 75 milyon avro təşkil edəcəyi qeyd edilir. Fon der Leyenin sözlərinə görə, Avropa Komissiyası yardımın Qəzza zolağında ehtiyacı olanlara çatması üçün BMT və müvafiq qurumlarla sıx əməkdaşlığı davam etdirəcək.