“Müsəlmanlar qorxmurlar, Qəzzanı külə çevirməli idik” – Feyqlin

“Qəzza bombardmanlarla tamamilə məhv edilməlidir”.

Teleqraf.com xəbər verir ki, bunu İsrail parlamentinin keçmiş deputatı Moşe Feyqlin deyib.

Onun sözlərinə görə, yeganə həll yolu Drezden və Xirosima kimi nüvə silahı istifadə edilmədən Qəzzanı ələ keçirməmişdən əvvəl tamamilə məhv etməkdir.

Feyqlin bildirib ki, HƏMAS-ın hücumundan 18 gün keçməsinə baxmayaraq, hələ də məqsədə nail olunmayıb:

“İncilə görə, hələ də qisas almamışıq. Qəzzanı dərhal külə çevirmədik”.

Siyasətçi Qəzzanı ələ keçirməkdə istəksiz olan Baş nazir Benyamin Netanyahunu tənqid edərək vurğulayıb ki, bu, müsəlmanlar arasında qorxunu aradan qaldırıb.