Ukraynanın daha iki şəhəri işğal edilir - Ərazilər ələ keçirildi

Xerson vilayətinin sol sahilində hücum əməliyyatları keçirən Rusiya qüvvələri müəyyən əraziləri ələ keçiriblər.

Teleqraf.com xəbər verir ki, bu barədə ABŞ-ın Müharibə Araşdırmaları İnstitutu (ISW) məlumat yayıb.

Son geolokasiya kadrları rusların Krınıkın cənubuna irəlilədiyini göstərir.

Rusiya mənbələri rus ordusunun Ukrayna qoşunlarını Krınık yaxınlığındakı mövqelərdən sıxışdırıb çıxardığını bildirirlər. Geri çəkilən ukraynalıların qəsəbə yaxınlığındakı meşədə möhkəmlənməyə cəhd göstərdikləri deyilir.

Ukrayna ordusu isə Baxmutun şimal-şərqinə və cənubuna doğru hücuma keçərək irəliləyib. Prezident Vladimir Zelenski Ukrayna qoşunlarının Qorliv Terikon üzərində (Baxmutdan 22 km cənub-şərq) bayraq qaldırdığını əks etdirən kadrları sosial şəbəkə hesabında dərc edib. Rusiya mənbələri də Ukrayna ordusunun Terikona nəzarəti təmin etdiyini bildirib.

Rusiya ordusu Avdiv şəhərinə artan sürətlə hücumlarını davam etdirir. Son məlumata görə, ruslar şəhərin cənub-qərbinə doğru irəliləyib. Ukrayna ordusunun Baş Qərargahının məlumatına görə, son sutka ərzində Avdiv istiqamətində Rusiyanın 50-dən çox hücumunun qarşısı alınıb.

Rusiya qoşunları Donetskin qərb və cənub-qərbinə quru hücumlarını da davam etdirir. Son geolokasiya görüntüləri rusların Marin şəhərinin şimal-qərbinə doğru irəlilədiyini göstərir.