Rusiya bölgəyə hücum qrupu göndərdi

Rusiya Belarus ərazisində hərbi qüvvələrini gücləndirib. Ölkənin iki bölgəsində bir neçə batalyon və taktiki qruplar yerləşdirilib.

Teleqraf.com xəbər verir ki, bu barədə ABŞ-ın Müharibə Araşdırmaları İnstitutu (ISW) məlumat yayıb.

Belarus ərazisində hücum batalyonu, iki xüsusi təyinatlı dəstə, desant batalyonu, taktiki artilleriya qrupu və reaktiv artilleriya batareyası yerləşdirildiyi bildirilir.

Dislokasiyaya 1840 hərbçi, 68-70-ə qədər zirehli transportyor, 24 artilleriya sistemi və 3 hava hücumundan müdafiə sistemi daxildir.