Tiflisdə bayram havası: ABŞ-dan gələn xəbərə sevindilər

Gürcüstan Baş naziri İrakli Kobaxidze Donald Trampı ABŞ-da keçirilən prezident seçkilərində qələbəsi münasibətilə təbrik edib.

Teleqraf.com xəbər verir ki, baş nazir onun rəhbərliyinin qlobal və regional sülhə kömək edəcəyinə, ABŞ-Gürcüstan münasibətlərinin bərpasını təmin edəcəyinə əminliyini bildirib.

Hakim “Gürcü Arzusu” partiyasının icraçı katibi Mamuka Mdinaradze də deyib ki, hakim komanda ABŞ-da ənənəvi dəyərlərin qələbəsinə sevinir.

“Biz çox şadıq ki, ABŞ-da sülh və ənənəvi dəyərlər qalib gəlir”, - Mdinaradze vurğulayıb.