Ukrayna əsgərləri cəbhədə koreyalılarla üz-üzə gəldi - Zelenskidən ilk reaksiya

Ukrayna prezidenti Vladimir Zelenski Ukrayna əsgərlərinin cəbhədə Şimali Koreya əsgərləri ilə qarşı-qarşıya gəldiyini təsdiqləyib.

Teleqraf.com xəbər verir ki, Zelenski bunu, məsələ ilə bağlı mətbuata açıqlaması zamanı deyib.

“Şimali Koreya əsgərləri ilə ilk toqquşmalar dünyada yeni qeyri-sabitlik səhifəsi açdı”, - deyən Zelenski Şimali Koreya əsgərlərinin Rusiyaya göndərilməsinə reaksiya verən hər kəsə təşəkkürünü bildirib.

Beynəlxalq ictimaiyyəti Ukraynanı dəstəkləməyə çağıran Zelenski Rusiyanın müharibəni genişləndirmək üçün atdığı bu addımı uğursuzluğa düçar etmək üçün hər şeyi edəcəklərini deyib.