“Qalatasaray”ın futbolçusu ölkədən qaçdı

Türkiyə millisi və "Qalatasaray" klubunun keçmiş futbolçusu Arif Erdem ölkədən qaçıb.

Teleqraf.com “Hürriyət”ə istinadən xəbər verir ki, Erdem iyulun 23-də Türkiyənin Ədirnə Sərhəd-Keçid Məntəqəsindən Yunanısta keçib.

Qeyd edək ki, bir gün əvvəl, avqustun 24-də Arif Erdem barəsində həbs qərarı çıxarılıb.

O, 15 iyul qiyamında ittiham olunan FETÖ təşkilatı ilə bağlılıqda günahlandırılır.

1972-ci ildə İstanbulda doğulan Arif Erdem 13 il “Qalatasaray”da oynayıb, həmçinin millinin şərəfini qoruyub və 60 oyuna 11 qol vurub.

2005-ci ildə karyerasını başa vurduqdan sonra isə "Başakşehir" klubunda məşqçilik edib.

Qeyd edək ki, İstanbul Prokurorluğu dünən FETÖ təşkilatı ilə bağlı aparılan istintaq çərçivəsində “Qalatasaray”ın daha 3 keçmiş futbolçusu Arif Erdem, Uğur Tütünəkər və İsmayıl Dəmiriz barəsində həbs qərarı çıxarıb.

Dəmirizin avqustun 24-də İstanbuldakı evində saxlandığı bildirilir.

Uğur Tütünəkərinsə ölkədə olmadığı bəlli olub.

Türkiyə məhkəməsi bundan əvvəl ölkə futbolunun canlı əfsanələrindən olan Hakan Şükür barədə də həbs qərarı şıxarıb.

O, hazırda ABŞ-da yaşayır.