Ukrayna qarışır: Saakaşvili Kiyevə gedir - Maydanda mitinq

Mixail Saakaşvili artıq Lvov şəhərindədir. Onu Lvovda şəhərin meri şəxsən qarşılayıb. Ukraynada Saakaşviliyə ciddi xalq dəstəyi var. O, ukraynalılara söz verib və verdiyi sözü sona qədər tutacaq.

Bu fikirləri Teleqraf.com-a Gürcüstan parlamentinin azərbaycanlı deputatı, Mixail Saakaşvilinin silahdaşı Azər Süleymanov bildirib.

A.Süleymanov deyib ki, hazırda Mixail Saakaşvili və tərəfdarları Lvovdan Kiyevə doğru hərəkət edirlər: “Onu Kiyevdə minlərlə insan qarşılayacaq. Saakaşvili Kiyevdə Maydana gedəcək və böyük ehtimalla orada mitinqlər başlayacaq. Mitinqdə indiki Ukrayna hökumətinin istefası tələb olunacaq”.

Azər Süleymanovla müsahibəni yaxın dəqiqələrdə Teleqraf.com-da izləyə bilərsiniz.