Afrində evə yerləşdirilən mina partladı - Ana və 5 övladı öldü

Suriyanın Afrin bölgəsində PKK terrorçularının evlərdən birinə yerləşdirdiyi minanın partlaması nəticəsində ana və 5 övladı ölüb.

Teleqraf.com xəbər verir ki, Afrini tərk etmiş 17 nəfərlik ailə Türkiyə ordusu tərəfindən terrorçulardan təmizlənən kənddəki evlərinə dönmək istəyib. Güclü yağış səbəbindən ailə yol kənarındakə boş evlərdən birinə sığınıb və bu zaman otaqlardan birinə yerləşdirilmiş mina partlayıb. Nəticədə ana və övladları ölüb.

1 nəfər dağıntılar altında qalıb, 5 nəfər yaralanıb. Yaralılar Azez xəstəxanasına çatdırılıb.