Rauf Arifoğlu "Publika.az" və "Teleqraf.com"u təbrik etdi

"Teleqraf Media Qrupu"nun əməkdaşları, az qala, gecənin bütün saatlarında xəbər istehsal edirlər. Bir agentlik prinsipi ilə çalışırlar".

Bu sözləri “Müsavat.com” saytının baş redaktoru Rauf Arifoğlu "Publika.az" və "Teleqraf.com" xəbər portallarının 7-ci doğum günü təbrikində qeyd edib.

Baş redaktor xoş gün münasibətilə həmkarlarını və media qurumunda çalışan bütün jurnalistləri təbrik edib:

“Başda Aynur Camalqızı olmaqla, "Teleqraf Media Qrupu"nun bütün əməkdaşlarını təbrik edirəm. Bu gün çox əlamətdar bir gündür. 7 rəqəmi Azərbaycanda müqəddəs rəqəm hesab olunub. Çox müqəddəs rəqəmdir. Arzu edirəm ki, daha böyük uğurlara və daha neçə illərə çatasınız. Ümumilikdə, "Teleqraf Media Qrupu"na daxil olan portallar Azərbaycan mediasında xüsusi yeri və çəkisi olan media nümunələridir. Bu da ciddi əməyin nəticəsidir. Qısa zaman ərzində Azərbaycan mətbuatına elə bir imza atıb ki, bu holdinqi bir məktəb də hesab etmək mümkündür. Biz digər Kütləvi İnformasiya Vasitələri ilə çox zaman bir-birindən faydalanmaq prinsipindən istifadə edirik. Bu zaman "Publika.az"-a da müraciət edirik, digər saytlara da. Biz fərqi hiss edirik. "Teleqraf Media Qrupu"nun əməkdaşları, az qala, gecənin bütün saatlarında xəbər istehsal edirlər. Bir agentlik prinsipi ilə çalışırlar. Zəhmət də öz bəhrəsini verməkdədir. Bu münasibətlə hər iki saytı təbrik edir, uğurlar diləyirəm. Neçə belə illərə çıxasınız. Azərbaycan var olduqca, söz var olduqca, siz də var olun!