“General Həzi Aslanov” tankerində partlayış: itkin düşənlər var

Rusiyanın Azov dənizində üzən “General Həzi Aslanov” neft tankerində iki partlayış baş verib.

Teleqraf.com xəbər verir ki, gəmidən 13 heyət üzvündən 10 nəfər xilas edilib, 3 nəfərin axtarışları aparılır.

Tanker Rusiyanın Rostov vilayətinin “Qafqaz” limanından yola düşüb. İlkin məlumata görə, tankerdə yük olmayıb, partlayış neft məhsullarının buxarından yaranıb. Hazırda hadisə yerinə üç xilasetmə gəmisi yaxınlaşır.