Əsir: Xaçatryan azərbaycanlıların başını əzirdi - Video

1991-ci ilin sonunda Xocalının Meşəli kəndində azərbaycanlıları qətlə yetirən Vaqif Xaçatryanın vəhşiliyinin sübut edən daha bir video ortaya çıxıb.

Teleqraf.com xəbər verir ki, 2001-ci ildə lentə alınmış bir videoda azərbaycanlı Mail Məmmədov erməni silahlılarının dəhşətli işgəncələrindən danışır. M.Məmmədov bədənində qalan izləri də kameraya göstərib.

Həmin dəhşətli anlardan danışan məhbus ona işgəncə verənlərin adlarını çəkib. Onların arasında Vaqif adı da olub ki, onun da sahibi, M.Məmmədovun dediyinə görə, erməni olub:

"Bizi kənara çəkdilər. Bir erməni əlində qaynaqla içəri girdi və gördüm ki, xaç oymadır. O, "çıxın" dedi. Çıxdım, dustaqlar küçəyə yığılmışdı. Məhkumların gözü qarşısında məni yerə yıxdılar, bu xaç damğasını vurublar. Bu xaçı [damğasını] mənə Artur, Vaqif və başqa biri vurub. Sonuncu [ayağını xaçın üstünə] basdı və Artur və Vaqif xaçı kəsdilər.

Vaqif erməni idi. Daha bir məhbus gətirildi. Məni də onun yanına qoydular. Əlləri məftillə bağlanmışdı. Mədədə bir deşik var idi, cır-cındırla örtülmüşdü. İstər ermənilər örtdü, istərsə də özü. Ümumiyyətlə, yara, ayaqlar hamısı dəhşətli vəziyyətdə idi. Gözündən qan axırdı. Onlar [ermənilər] gəlib onu dəyənəklə döydülər. Sonra yıxdılar və başını əzdilər, o qədər [yastı] oldu və gözləri yuvasından çıxdı. Sonra onu küçəyə apardılar. Bir ay keçdi, gördüm ki, başını kəsiblər”.