Balaxanıda qadının 3 min manatlıq qızılı oğurlandı

Bakının Sabunçu rayonunda yaşayış evindən oğurluq edilib.

Teleqraf.com xəbər verir ki, hadisə Balaxanı qəsəbəsi, Fazenda massivində yerləşən yaşayış evlərindən birində qeydə alınıb.

Qəsəbə sakini Nuriyyə Süleymanovanın evindən 3 min manat dəyərindən qızıl oğurlanıb. Qadın baş verən oğurluq hadisəsi ilə bağlı Sabunçu Rayon Polis İdarəsinin 12-ci polis bölməsinə ərizə ilə müraciət edib.

Hazırda cinayəti törədən şəxslərin müəyyən edilməsi istiqamətində əməliyyat tədbirləri görülür.

Hacı Zeynalov