Müsavatçının məhkəməsi təxirə salındı

Şirvan Apellyasiya Məhkəməsində Müsavat Partiyası başqanının müşaviri Yadigar Sadıqlının apellyasiya şikayəti əsasında bu günə təyin olunmuş məhkəmə prosesi təxirə salınıb.

Səbəb zərərçəkmiş şəxsin məhkəməyə gəlməməsi olub. Proses mayın 20-dək təxirə salınıb.

Qeyd edək ki, Y. Sadıqov ötən il iyunun 27-də Lənkəran şəhər sakini, 2-ci qrup Qarabağ əlili Rəşid Kərimovun şikayəti əsasında Lənkəran Şəhər-Rayon Polis Şöbəsində saxlanıb.

Rəşid Kərimov iyunun 25-də Lənkəranın Cavanşir küçəsindəki çayxananın qarşısından keçərkən Yadigar Sadıqovun iki nəfərlə birgə onu döydüyünü bildirib.

Lənkəran Rayon Məhkəməsinin hökmü ilə Y. Sadıqov 6 il müddətinə azadlıqdan məhrum edilib.