Bakıda avtomobil 22 yaşlı gənci vurdu

Bakıda avtomobil piyadanı vuraraq digər avtomobilin üstünə atıb.

Teleqraf.com xəbər verir ki, hadisə Yasamal rayonunda qeydə alınıb.

“İnşaatçılar” metrostansiyasının yaxınlığında Rəşad adlı 22 yaşlı gənc (soyadı dəqiqləşdirilir-red) yolu keçərkən onu avtomobil vurub. Piyada zərbənin gücündən digər avtomobilin üzərinə düşüb.

Yaralı təcili yardımın köməkliyi ilə xəstəxanaya çatdırılıb. Müayinə zamanı ona kəllə-beyin travması və bədənin müxtəlif dərəcəli xəsarətləri diaqnozları qoyulub.

Yaralının vəziyyəti ağır qiymətləndirilir.

Faktla bağlı araşdırma aparılır.