Salyanda toy keçirən şəxs məsuliyyətə cəlb olundu

Salyan Rayon Polis Şöbəsi əməkdaşları tərəfindən karantin rejimi qaydalarının təmin edilməsi məqsədilə tədbirlər davam etdirilir.

DİN-in Mətbuat Xidmətinin Şirvan regional qrupundan Teleqraf.com-a verilən məlumata görə, keçirilən tədbirlər nəticəsində rayonun Qarabağlı kənd sakini Elşad Ələkbərovun fərdi yaşayış evinin həyətində təyin olunmuş qaydaları pozaraq 100 nəfərin iştirakı ilə toy məclisi keçirdiyi müəyyən olunub.

Aşkarlanan qayda pozuntusu ilə bağlı ev sahibi və məclisdə iştirak edən beş nəfər şəxs barəsində qanunamüvafiq tədbir görülüb.