Bakıda parkda məktəbli tanışını bıçaqladı – Təfərrüat

Bakıda söyüş üstə tanışını bıçaqlamaqda təqsirləndirilən 2006-cı il təvəllüdlü Murad Zərbəlizadənin cinayət işi üzrə məhkəmə prosesi başa çatıb.

Teleqraf.com xəbər verir ki, Bakı Ağır Cinayətlər Məhkəməsində hakim Səbinə Məmmədzadənin sədrliyi ilə keçirilən prosesdə hökm oxunub.

Murad Zərbəlizadə 6 il azadlıqdan məhrum edilib.

İttihama görə, hadisə ötən ilin iyulunda "Alov"parkında baş verib. Murad Zərbəlizadə "İnstagram" sosial şəbəkəsində Fərhad Soltanovla tanış olub.

Daha sonar Murad sosial şəbəkədə Fərhad ilə mübahisə edib.

Bundan sonar Murad Fərhadı "Alov"parkına çağıraraq sosial şəbəkədəki mübahisəni davam etdirib.

Nəticədə Murad üzərində gəzdirdiyi bıçaqla Fərhadı vurub.

Qeyd edək ki, Murad Zərbəlizadə hadisə baş verən vaxt orta məktəbdə oxuyurmuş.