Boksçumuz yarımfinalda

Azərbaycanı 2016-cı il Rio-de-Janeyro Yay Olimpiya Oyunlarında təmsil edən boksçu Kamran Şahsuvarlı (75 kq) 1/4 final döyüşünə çıxıb.

Gənc idmançının rəqibi Qazaxıstan boksçusu Janıbek Alimxanlı olub. Görüşü yüksək əzmkarlıqla keçirən K.Şahsuvarlıya ilk raundda hər 3 hakim, ikincidə isə 2-si qələbə verib. Sonuncu raund isə qazaxıstanlı boksçunun üstünlüyü ilə keçsə də, ümumi nəticə dəyişməyib. Azərbaycan boksçusu yarımfinala yüksələrək, ən azı bürünc medalı təmin edib. Bu, "Rio-2016"da 3-cü, boksda isə ilk medal olub. K.Şahsuvarlının növbəti mərhələdə rəqibi kubalı Arlen Lopes olacaq.