Hollandiya millisi baş məşqçi ilə yollarını ayırdı

Hollandiya millisinin baş məşqçisi Danni Blind istefaya göndərilib.

Teleqraf.com-un xəbərinə görə, bu barədə ölkənin Futbol Federasiyasının rəsmi saytı xəbər yayıb.

“Narıncılar”ın DÇ-2018-in seçmə mərhələsində səfərdə Bolqarıstana 0:2 hesablı məğlubiyyəti Blindin qovulması ilə nəticələnib.

Qeyd edək ki, 55 yaşlı mütəxəssis 2015-ci ildən Hollandiya millisini çalışdırırdı.

Əlavə edək ki, DÇ-2018-in seçmə mərhələsində A qrupunda mübarizə aparan hollandlar 4-cü yerdə qərarlaşıb.