Türkiyə yarımfinala çıxdı

Qadın voleybolu üzrə Rusiya yığması Azərbaycan və Gürcüstanda keçirilən Avropa çempionatının dörddəbir finalında Türkiyə yığmasına məğlub olub.

Teleqraf.com-un məlumatına görə, oyun 0-3 (25:27, 18:25, 20:25) hesabı ilə başa çatıb.

Yarımfinalda türk idmançıları Serbiya yığması ilə görüşəcək.

Qeyd edək ki, bu gün 1/4 finalda Almaniyadan olan rəqibləri ilə qarşılaşan Azərbaycan yığmasının voleybolçuları Avropa çempionatının yarımfinalına yüksəliblər. Voleybolçularımız İk setdə inamlı oyun nümayiş etdiriblər - 25:20. İkinci set də millimizin üstünlüyü ilə başa çatıb - 25:18. Alman idmançılar üçüncü setdə də təmsilçilərimizlə bacara bilməyiblər - 25:21 (3:0).

Millimiz sabah Niderlandla qarşılaşacaq.