Kintana daha iki il "Qarabağ"da

"Qarabağ" klubu daha bir futbolçusu ilə müqavilə müddətini uzadıb.

Teleqraf.com klubun rəsmi saytına istinadən xəbər verir ki, Dani Kintananın başa çatan sözləşməsi yenilənib.

İspaniyalı yarımmüdafiəçi ilə 2020-ci ilin iyununadək anlaşma əldə olunub. Kintana artıq komanda ilə məşqlərdə iştirak edir. O, "Qarabağ"a 2015-ci ilin martında transfer olunub.

Daha əvvəl Ansi Aqolli ilə müqavilə 2019-cu ilin iyununadək uzadılıb.