15 saniyədə 600 min dollar qazandı

Peşəkar boksçu, dünya çempionu Floyd Meyvezer idman sahəsində yazdığı proqnozlarla da diqqət mərkəzinə düşüb.

O, Amerikan futboluna yenə pul yatırıb. 37 yaşlı boksçu Amerika futbolunda “Denver Bronkos”-“Nyu-York Cets” oyununa pul qoyub. Las-Veqasda yerləşən kazinolardan birinə gedən Meyvezer “Bronkos”un 7,5 xallıq fərqlə qələbəsini proqnozlaşdırıb.

O, həmin komandanın qələbəsinə 815 min dollar yazdırıb. Görüşün sonlarında hesab 17:24 idi. Amma matçın başa çatmasına 15 saniyə qalmış Akib Talib topu ələ keçirərək komandasına növbəti 7 xalı qazandırıb. Yekunda görüş 31:17 hesabıyla başa çatıb. Bu isə boks üzrə dünya çempionuna 600 min dollar qazandırıb.