28 Sentyabr 01:10
1 277

Türkiyə millisinin keçmiş baş məşqçisi Şenol Günəş ölkədən kənarda fəaliyyət göstərmək niyyətindədir.

Teleqraf.com türk mediasına istinadla xəbər verir ki, Şenol Günəş Türkiyə superliqasında oynayan komandalardan gələn təklifləri qəbul etməyib.

2002-ci ildə Yaponoyada keçirilən Dünya çemponatında Türkiyə yığmasını 3-cü yerə çıxaran Şenol Günəş o zaman Uzaq Şərqdə populyarlıq qazanmış, 2007-2009-cu illərdə Cənubi Koreyanın "Seul" komandasına baş məşqçilik etmişdi.

Onun yenidən Uzaq Şərq klublarından birinə getmək istədiyi xəbər verilir.

Xatırladaq ki, sentyabrın 7-də Türkiyə millisi DÇ-2022-nin seçmə oyununda Niderlanda 1:6 hesabı ilə uduzmuş, bundan sonra baş məşqçi Şenol Günəş istefa verməli olmuşdu.


Müəllif: Teleqraf.com