Seçmə mərhələdə az xal toplayan komandalar - Millimiz siyahıda

AVRO-2024-ün seçmə mərhələsində ən az xal yığan komandalar bəlli olub.

Teleqraf.com xəbər verir ki, Kipr, Cəbəllütariq, Malta, San Marino və Lixtenşteyn yer aldıqları qrupları xalsız başa vurublar.

Estoniya 1, Farer adaları və Andorra hərəyə 2 xal qazanıblar. Latviya 3, Bolqarıstan 4, Litva və İrlandiya isə tsikli 6 xalla yekunlaşdırıblar.

F qrupunda 7 xal toplayan Azərbaycan millisi ən az xal əldə edən 13-cü yığmadır. De Byazinin baş məşqçisi olduğu kollektiv xalların sayına görə 41-ci pillədə qərarlaşıb.

Ən çox xalı isə Portuqaliya hesabına yazdırıb. Ulduz futbolçu Kriştianu Ronaldunun kapitanı olduğu yığma 10 matçın hamısında qələbə qazanmaqla maksimum nəticə əldə edib.

Qeyd edək ki, AVRO-2024-ün seçmə mərhələsində 53 ölkə mübarizə aparıb. Rusiya Ukrayna ilə müharibə səbəbindən turnirdə yer almayıb.