"Real" Aqueranı transfer etməkdə israrlıdı

Karlo Ancelotti ilə yollarını ayıran "Real"ın sabah Rafael Benitesi ictimaiyyətə təqdim edəcəyi gözlənilir.

Teleqraf.com xəbər verir ki, rəhbərlik yeni mövsümün hazırlıqlarına artıq indidən başlamaq qərarına gəlib. Bu barədə "AS" qəzeti məlumat yayıb. Florentino Peres yay "transfer pəncərəsi"nin ən böyük "bomba"sını partlatmağa hazırlaşır. O, "Mançester Siti"nin forvardı Serxio Aqueronun keçidinin rəsmiləşdirilməsi üçün klub rəsmilərinə göstəriş verib.

Argentinalı geridə qalan mövsümdə 26 qolla İngiltərə Premyer Liqasının bombardiri olmuşdu. Aquero daha öncə Madridin digər klubu - "Atletiko"da çıxış edib.

Rüstəm